काठमाडौं, ८ भदौ । केहि दिन अघि देखि ओरालो लागेको कोरोना संक्रमितको संख्या आज फेरी ह्वात्तै बढेको छ । पछिल्लो २४ घण्टामा २ हजार ५२५ जनामा कोरोना संक्रमण पुष्टि भएको छ । स्वास्थ्य मन्त्रालयका अनुसार ९ हजार ९०९ पीसीआर परीक्षण गर्दा २ हजार २० र ४ हजार ९०१ को एन्टीजेन परीक्षण गर्दा ५०५ गरी २ हजार ५२५ जनामा कोरोना संक्रमण पुष्टि भएको हो।
यस्तै पछिल्लो २४ घण्टामा कोरोना संक्रमणबाट ३५ जनाको मृत्यु भएको छ भने २ हजार ८६ जना निको भएका छन् ।
