जनकपुरधाम-अयोध्या रेल सेवा छिट्टै सञ्चालन गर्ने सरकारको तयारी, रेल सेवा सञ्चालनका लागि समय तालिका समेत सार्वजनिक
जनकपुरधाम-अयोध्या रेल सेवा छिट्टै सञ्चालन गर्ने सरकारको तयारी, रेल सेवा सञ्चालनका लागि समय तालिका समेत सार्वजनिक
गण्डकी टाइम्स
गण्डकी टाइम्स
काठमाडौँ, १२ असार । मधेस प्रदेशको राजधानी जनकपुरधामबाट भारतको उत्तरप्रदेशस्थित अयोध्याका लागि रेल सेवा सञ्चालनको तयारी अन्तिम चरणमा रहेको छ । रेल सेवा सञ्चालनका लागि समय तालिका सार्वजनिक गरिएको र अब चाँडै कार्यान्वयनमा ल्याउने तयारी भएको नेपाल रेल्वे कम्पनी लिमिटेडका महाप्रबन्धक निरञ्जन झाले जानकारी दिनुभयो।
जनकपुरधाम-अयोध्या रेल सेवा प्रत्येक शनिबार दिनको १:३० बजे जनकपरधामबाट खुल्ने र ४ बजे बिहान अयोध्या पुग्ने तथा सोही रेल साँझ ५ बजे अयोध्याबाट फर्किएर अर्को बिहान ७:३० बजे जनकपुरधाम पुग्ने गरी तालिका सार्वजनिक गरिएको महाप्रबन्धक झाले जानकारी दिनुभयो ।
जनकपुरधाम–अयोध्या रेल सञ्चालनका लागि उद्घाटनको समय तालिका मिलाउन लागिएको र समय मिल्नासाथ औपचारिक घोषणा गर्ने महाप्रबन्धक झाको भनाइ छ। विसं २०७८ चैत २० गतेदेखि जयनगर–कुर्थासम्म र विगत एक वर्षदेखि महोत्तरीको भङ्गाहासम्म रेल सञ्चालन भइरहेको छ ।
प्रतिक्रिया
