प्रेस सेन्टरको पदाधिकारी बैठक आज बस्दै, प्रधानमन्त्री प्रचण्डले सम्बोधन गर्ने
प्रेस सेन्टरको पदाधिकारी बैठक आज बस्दै, प्रधानमन्त्री प्रचण्डले सम्बोधन गर्ने
गण्डकी टाइम्स
गण्डकी टाइम्स
काठमाडौं, २५ चैत । प्रेस सेन्टर नेपालकाे केन्द्रीय पदाधिकारी बैठक चैत २५ गते राजधानी काठमाडौंमा बस्दैछ । बैठक नेकपा माओवादी केन्द्रकाे केन्द्रीय मुख्यालय पेरिसडाँडामा बस्न लागेकाे हाे । अहिले विहान ८ बजेदेखि शुरू हुने बैठकमा प्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल प्रचण्डले सम्वाेधन गर्ने कार्यक्रम रहेकाे महासचिव सन्तोष पौडेलले जानकारी दिए ।
बैठकमा पार्टी उपाध्यक्ष तथा प्रबक्ता एवम् प्रेस सेन्टर नेपालका इन्चार्ज अग्नि सापकोटा, सञ्चार सूचना तथा प्रविधि मन्त्री रेखा शर्मा लगायतले सम्वाेधन गर्ने कार्यक्रम रहेकाे महासचिव पाैडेलले बताए । बैठकमा केन्द्रीय पदाधिकारी, सल्लाहकार, नीति परामर्श समिति सदस्यहरू सहभागी हुनेछन् ।
बैठकले बदलिएको राजनीतिक समिकरण, नेपाल पत्रकार महासंघकाे निर्वाचन, सामुदायिक रेडियो प्रसारक संघलगायतका साझा माेर्चाहरूका विषयमा रणनीति तयार गर्नुका साथै संगठनकाे विधान र आगामी रणनीति र याेजनाका विषयमा छलफल हुने बताइएको छ ।
प्रतिक्रिया
