काठमाडौँ । नर्वेलाई पराजित गर्दै नेदरल्यान्ड्स कतार विश्वकपमा छनोट भएको छ ।
मंगलबार राति भएको युरोपेली छनोट अन्तर्गत समूह जी को खेलमा नर्वेलाई २–० गोल अन्तरले पराजित गर्दे नेदरल्यान्ड्स विश्वकपमा छनोट भएको हो ।
नेदरल्यान्डको जितमा स्टिभन बर्गवाइन र मेम्फिस डिपाएले समान १ गोल गरे । पराजित नर्वे भने समूहको तेस्रो स्थानमा रहँदै विश्वकपमा छनोट हुनबाट बन्चित भयो ।
जितसँगै नेदरल्यान्ड्सले १० खेलबाट २३ अंक जोडेको छ भने टर्कीले १० खेलमा २१ अंक जोड्यो । समान खेलबाट १८ अंक जोडेको नर्वे तेस्रो स्थानमा छ ।
