आशिका तामाङ दोषी ठहर, ५ दिन कैद सजाय

गण्डकी टाइम्स

बिहिवार, भाद्र १२ २०८२

गण्डकी टाइम्स

बिहिवार, भाद्र १२ २०८२

भक्तपुर, १२ भदौ। आशिका तामाङसहित २ जनालाई भक्तपुर जिल्ला अदालतले दोषी ठहर गर्दै कैद सजाय तोकेको छ। न्यायाधीश विश्वनाथ भट्टराईको इजलासले तामाङ र शरण तिरुवालाई आपराधिक उपद्रवको मुद्दामा दोषी ठहर गर्दै ५ दिनको कैद सजाय सुनाएको अदालतकी सूचना अधिकारी हिराकुमारी भण्डारीले नेपालखबरलाई जानकारी दिइन्। भक्तपुरको सूर्यविनायक नगरपालिकास्थित साँगामा बनाएको झोलुङ्गे पुल वारपार गर्न शुल्क लिएको विषयमा तामाङले बोर्ड च्यात्ने, शुल्क उठाउन बसेका कर्मचारीलाई दुर्व्यवहार गरेको आरोप थियो। उनीविरुद्ध नगरपालिकाले आपराधिक उपद्रव कसुर गरेको भन्दै जाहेरी दिएको थियो। उनीहरूविरुद्ध ५ सय रुपैयाँ जरिवाना र ८ हजार ३ सय रुपैयाँ क्षतिपुर्ति तथा पीडित राहत कोषमा जनही २ सय रुपैयाँ भराउन अदालतले आदेश दिएको छ। अदालतले कैदसहितको सजाय सुनाए पनि आशिकाले भने आफ्नो फेसबुकमा आफूलाई भक्तपुर अदालतले सफाइ दिएको लेखेकी छन्।

प्रतिक्रिया